قطايف جوز ولبة

المقادير

2 كاسة كبيرة طحين

نصف كاسة كبيرة سميد ناعم جدا

2 كاسات ماء دافئ

1 كاسة كبيرة حليب

2 ملعقة كبيرة سكر

درة ملح

ملعقة صغيرة خميرة فورية

 نصف ملعقة صغيرة بيكنج باودر

ربع ملعقة صغيرة بيكربونات الصوديوم

ربع ملعقة صغيرة محلب مطحون  وهذا اختياري ممكن الاستغناء عنه

الحشو

250 غرام جوز

2 ملعقة سكر

ملعقة صغيرة قرفة

3 ملاعق من القطر

او ممكن حشو تاني باللبة واذا مافي لبة ممكن نستخدم ريكوتا مع المسكربون مع ملعقة نشاء

حشو القشطة

نص كاسة سميد ناعم + كاستين حليب

فنجان سكر + ظرف فانيل

علبة قشطة نسلة او علبة كريم فريش سائل

القطر

2 كاسة سكر

1 كاسة ماء

درة ملح الليمون

ماء زهر

الطريقة

في خلاط الكوكتيل  نضع 2 كاسة ماء وكاسة حليب دافي صم نضيف الطحين وباقي المكونات ماعدا  البيكربونات

يخلط جيدا ثم نتركه مدة 5 دقائق  ثم نضيف  اليه البيكربونات ونحركه جيدا

ناتي بطواية تيفال نفس يلي تستخدم للكريب بتكون بلا حرف

دهنها بقليل من الزيت ونمسحه بالمحرمة نضعها على الغاز ونحمي الطواية جيدا ثم نخفف الحرارة الى ما دون الوسط

نبدأ بصب العجينة بالمعلقة  كل قرص بيحتاج 2 ملعقة من العجين  نتركها حتى تنشف العجينة ويصبح لها ثقوب

  نضعها ع فوطة نظيفة ونغطيها بفوطة اخرى ملاحظة لانضع الاقراص بعد الاستواء فوق بعضها وهي سخنة

نجهز الحشو بخلط الجوز المقطع قطع صغيرة مع السكر والقرفة

و 3 ملاعق القطر ونحركه مع بعض

طبعا بنكون جهزنا القطر قبل البدء بالقطايف لاني لازم يكون بارد

تحشى اقراص القطايف بالجوز والقرفة وتغلق على بعض بشكل هلال

مع مراعاة الضغط جيدا على الاطراف حتى ما تفتح العجينة بالقلي

بعد  الانتهاء من كل الكمية

يحمى الزيت الغزير وتقلى به القطايف مع التقليب

فور خروجها من الزيت  تغطس بالقطر  لمدة دقيقة وبنطالعها

ترص في صحن التقديم ويرش فوقها قليل من القرفة

وصحتين وعافية