بيتزا دوار الشمس
المقادير
عجينة العشر دقايق
1 كيلو طحين ناعم او 5 كاسات طحين
2 ملعقة كبيرة سكر
ملعقة صغيرة ملح
نص كاسة زيت نباتي
1كاسة حليب او 2 ملعقة حليب بودرة
2 كاسة ماء دافي
2 ملعقة خميرة فورية
الطريقة
نذوب الخميرة الفورية بالماء ونضيف اليها باقي المكونات ونعجنها جيدا
ممكن نحتاج شوية طحين زيادة اذا طلعت شوي مريقة
نغطيها بقطعة نايلون وقماشة فوقها ونتركها تتخمر ويتضاعف حجمها
الكمية هي كبيرة ممكن نعمل فيها عدة معجنات متل خلية النحل وفطاير بسبانخ
بنجهز صلصة البيتزا وهي عبارة
بصلة مفرومة ناعم
2ملعقة دبس بندورة يلي بالمطربان حتى ماتكون حامضة
3 بندورة منزوعة القشر ومفرومة ناعم
ملعقة زعتر اخضر الخاص بالبيتزا _ اورجانو
1 ملعقة سكر
ملح وبهار
رشة قرفة بسيطة
زيت زيتون
نقلب البصل بزيت الزيتون ونضيف اليه البندورة المفرومة ومن ثم باقي المكونات بس تماسك الخليط بنرفعه من على النار
وممكن يستعمل متل ماهو او ممكن نضربه بالخلاط لو بدي ياه ناعم
بعد ما اختمرت العجينة بشكلها بشكل قرص دائري
وبعمل في الوسط شكل نجمة ثمانية
نضع قليل من الصلصة فوق العجين ويضاف اليها فليفة ونقانق او فطر حسب ما بتحبو
يرش فوقها الجبن وتقلب المثلثات كما واضح بالصورة وتدهن بالفرشاة بصفار البيض المخلوط مع ملعقة حليب
في الوسط بنعمل كرات صغيرة محشوة بالجبن ويترك بينهن فراغ
تدخل على الفرن الحامي مسبقا على حرارة 200 د
وصحتين وعوافي على قلبكن