حلاوة الجبن

 المقادير

كوب سميد ناعم جدا

كوب  ونصف ماء

كوب سكر

500 غ جبنة موزاريلا  أو جبن عكاوي خالي من الملح تماما

ملعقة ماء زهر

مقادير الحشو

علبة ريكوتا + علبة ماسكربون

او ممكن لبة ان توفر  أو ممكن قريشة  بتنعمل بالبيت بفقس الحليب  رح اشرح كيف بنعمل القريشة

ليتر حليب بنضعهم على النار وبس يبدأ يغلي بنصيف اليه ربع ملعقة صغيرة ملح الليمون ونحرك

رح يفصل الماء لحال والحليب رح يتجمع مع بعض

بنصفيه على قماشة نظيفة ويستخدم  ممكن الاحتفاظ به بالبراد لمدة يوم يومين

ونحتاج ايضا الى القطر مقادير القطر

كوب كبير سكر

نصف كوب كبير ماء

درة ملح الليمون 

ماء زهر

الطريقة

 ضعي كوب ونصف من الماء مع كوب السكر والماء زهر وخليهم يغلو على النار

أضيفي الجبن المقطع الى قطع صغيرة

وحركي الى ان تسيح الجبنة

اضيفي كاسة السميد وحركي بسرعة   الى ان يتجانس الخليط

اطفي النار من اول غلوة وتابعي الخفق بسرعة

وهو سخن لازم نشتغل بسرعة قبل ماتبرد العجينة

مدي ورق المنيوم وادهنيه بالقطر وادهني الشوبك كمان بالقطر

اسكبي نصف الكمية على ورقة الالمنيوم  تقريبا طول 30 سم

مدي العجينة فوقها

احشيها بالخليط  انا استخدمت ماسكربون وريكوتا وبدل الريكوتا ممكن تعملي قريشة

طبعا يلي عنده لبة افضل الشي للحشو

نرجع لطريقة اللف بنضع كمية من الحشو متل ماوضح بالصورة وبنلفها لفتين

وبنقطع بالسكين ونتابع الباقي بنفس الطريقة

وغلفتهن بالنايلون وبنضعهن بالبراد لوقت التقديم

بنقطعهن قطع صغيرة ويرش عليهن الفستق الحلبي وقليل من القطر

وممكن  نعمل حلاوة الجبن من غير حشو

وصحتين وهنا