كروسان بالجبنة

المقادير

1 كيلو طحين

3ملاعق كبار سكر

نص ملعقة صغيرة ملح

ملعقة كبيرة خميرة فورية  + ظرف خميرة كاتو بكنج بودر

نصف كاسة  كبيرة زيت  نباتي

1 كاسة  حليب

1 كاسة ماء

جبنة بيضا ماتكون كتير مالحة

صفار بيضة لدهن  السطح

حبة سودا  او سمسم

الطريقة

نضع الخميرة الفورية  بكاسة ماء دافئ  لا بارد ولا ساخن

بصحن عميق نضع الطحين  والسكر والملح والزيت  والحليب  وظرف خميرة  كاتو

ونضيف اليهم الخميرة المذابة في  الماء

نعجنهن جيدا وممكن نحتاج نضيف قليل من الطحين حتى نحصل على عجينة متماسكة  وطرية لاتلزق بالايدي

نغطيها بالنايلون وفوقهم قطعة قماش

نتركها تتخمر  حوالي ساعتين  حتى تتضاعف العجينة

نرش الطحين على الطاولة ونأخذ  قليل من العجينة ونشكلها بشكل  قرص دائري  كما موضح بالصورة

نقسم الدائرة الى مثلثات

نضع قليل من الجبن  ونلف العجينة حوله

ترش صينية الفرن بالطحين  او تدهن بقليل من الزيت

ترص الكروسان  فيها مع ترك  فراغ  لاني الكروسان رح تتضاعف  عند الخبز

يدهن السطح بالبيض المخفوق بواسطة فرشاة  ويرش فوقها الحبة السوداء

نغطيها بالنايلون مرة اخرى  شي ربع ساعة

بكون حمينا الفرن على درجة 180

تخبز  الى ان تحمر وصحة وعافية