صينية التمرية
المقادير
500 غ طحين
250 غ زبدة لينة حرارة الغرفة وممكن استبدالها بالسمن
150 غ سكر
ملعقة كبيرة شمرة ويانسون مطحونين
ربع ملعقة صغيرة محلب وممكن الاستغناء عنه في حال عدم وجوده
سمسم مقشور كافي لتغطية السطح
1 بيضة
قليل من الحليب للعجن وممكن العجن بالماء
ربع ملعقة صغيرة ملح
نصف كيلو معجون التمر ملين بقليل من السمن ورشة قرفة خفيفة
الطريقة
نصحن عميق نضع الطحين وكل المواد الجافة ومن ثم الزبدة الطرية ونخلطهم جيدا بالفرك بالاصابع حتى يصبح الخليط رملي
نضيف فقط صفار البيضة وقليل من الحليب لوقت مايلم معنا العجين
نغطيها بكيس نايلون ونرتكها ترتاح مدة نصف ساعة
بهل الاثناء نجهز التمر وذلك بدعكه جيدا مع قليل من السمن والقرفة
بعدها بصينية الفرن نضع طبقة من العجين بسماكة 1 سم تقريبا
نضع فوقها طبقة من معجون التمر 1 سم سماكتها
ونغطيها بطقة اخرى من العجين تماما متل الكبة بصينية
نقطعها بالشكل المطلوب اما مربعات او لوزينج
بناخد بياض البيض وبنضيف عليه ام معلقتين قطر او معلقتين سكر بودرة وبنخفقه جيدا
ندهن سطح العجين بخليط البيض ويرش فوقه السمسم بحيث يغطي كل السطح
نحمي الفرن قبل 10 دقايق من وضع الصينية بالفرن ع حرارة 200 د
توضع الصينية بالرف الاوسط والنار فقط من تحت وبالاخير ممكن نحمر السطح ان احتاج الامر
والف صحة وعافية
