فطاير باللحم والفليفلة الحارة
المقادير
1 كيلو طحين
نص ملعقة صغيرة ملح
2 ملعقة كبيرة سكر
ملعقة كبيرة خميرة فورية + ظرف خميرة كاتو بكنج بودر
نصف كاسة كبيرة زيت نباتي
1 كاسة حليب
1 كاسة ماء
صفار بيضة مع ملعقة حليب لدهن السطح
حبة سودا او سمسم
الحشو
4 بصلة مفرومة ناعم
نصف كيلو لحمة ناعمة
قرن فليفلة حمرا مفروم ناعم
قرن فليفلة خضرا حارة مفروم ناعم
حبة بندورة
2 ملعقة كبيرة دبس فليفلة
ملح ـ بهار اسود
الطريقة
نذوب الخميرة الفورية مع كاسة الماء
نخلط الطحين مع المقادير الناشفة
ومن ثم نخلط الجميع جيدا ويعجن حتى نحصل على عجينة طرية ومتماسكة ممكن نحتاج كمية اضافية من الماء
نغطيها بالنايلون ونضع فوقها قطعة قماش ونتركها حتى يتضاعف حجمها
ومن ثم نرقها بسماكة 1سم ونقطعها دوائر
بنكون مجهزين الحشو مسبقا نقلي البصل مع قليل من السمن
ونضيف اللحم ونقلبه حتى يستوي نضيف الفليفلة والبندورة وباقي المكونات
وتترك لمدة 5 دقايق عالنار ومن ثم نتركها تبرد ونستخدمها بالحشو
نضع ملعقة من الحشو بالوسط ونغلقها بشكل ثلاث زوايا
ندهن السطح بالبيض ويرش بالسمسم وحبة البركة
ويدخل الفرن مشعول مسبقا على حرارة 180 د
حتى تزهر العجينة وصحتين وهنا
