ملوخية ورق على الطريقة الحلبية

ممكن نحضر الملوخية بطريقتين  اما ناشفة ورق واما ناعمة مفروكة متل النعناع

وممكن تكون بالدجاج وممكن تكون باللحمة  انا عملتها بالدجاج

المقادير

نصف كاسة زيت نباتي ( مازولا ) او ممكن سمن

دجاجة مسلوقة ومخلية من العظم

كمية من الملوخية تقريبا ثلت كيس

ملح بهار

4 اكواب من مرق الدجاج او اللحم

للتقلية

راس توم مقشر ومدقوق

معلقة كبيرة  كزبرة ناشفة

2 ملعقة سمنة

طريقة التحضير

تسلق الدجاجة مع باقة عطرية من الاعشاب وقليل من البهار  طبعا مع ملاحظة نزع الريم يلي بيظهر على الوجه

بعد النضج ننزع العظم منها ونقطعها الى قطع صغيرة  هيك صارت عنا جاهزة نضعها على جنب

تغسل الملوخية بالماء مع تركها فيه لمدة 5 دقائق وتعصر باليد جيدا لحتى نتخلص من الماء الزائد

نقلي الملوخية على مراحل لحتى تتحمر معنا ممكن نخليها على تلات مراحل

نضع كمية من الزيت المازولا ونضيف اليه الملوخية  وتقلب الى ان تجف كمية الماء وتحمر الملوخية

نحمر الباقي بنفس الطريقة الى ان تنتهي الكمية

توضع في طنجرة الطبخ ويضاف اليها الدجاج والملح والبهار وكمية 4 اكواب من ماء سلق الدجاج

ونتركها على النار ونبدأ بتجهيز التقلية

نحمص الكزبرة الناشفة مع 2 ملعقة سمن ويضاف اليها الثوم  وممكن لو حبينا نضيف عليهن كمية قليلة من الدهنة او لحمة ناعمة

تضاف التقلية للملوخية وتطبخ على نار هادئة الى ان تنضج

طبعا دائما بناكل الملوخية مع الارز اما ابيض عادي او بشعيرية

اما الملوخية الناعمة فتحمص بالسمن لمدة ربع ساعة او اكثر الى ان تتحمر ويصبح لونها ذهبي

تضاف اليها الكزبرة والثوم المحمصين سابقا

ويضاف اليها الدجاج والبهارات  وماء سلق الدجاج بعد تصفيته

وتطبخ على نار هادئة الى ان تنضج ويكون قوامها نوعا ما سميك

وتقدم مع الارز والمخللات والليمون

وصحة وعافية