كرابيج حلب بالجوز
المقادير
250 غ سميد ناعم جدا ( فرخة )
250 غ طحين
250 غ زبدة
2 ملعقة كبيرة سكر
درة ملح
ملعقة كبيرة فانيل
1 ملعقة كبيرة ماء زهر
كاسة صغيرة حليب دافي
سكر بودرة لتزين الوجه او ناطف ان وجد
الطريقة
بمحضرة الطعام نضع المواد الجافة ونخلطها جيدا ثم نضيف قطع الزبدة لحتى يندمجو مع بعض
نضع العجين بصحن عميق ونصيف اليه الحليب لوقت ما ينعجن معنا
ممكن ما نتحتاج كل كمية الحليب نغطيها بالنايلون ونتركها ترتاح تقريبا نص ساعة كافية
نحضر بهذه الاثناء الحشو
ربع كيلو جوز مقطع قطع صغيرة ومحمص قليلا بالطواية
نضيف اليه ملعقة كبيرة من القرفة وملعقة كبيرة زبدة سائحة و 2 ملعقة كبيرة قطر
نحلط جيدا ونتركه لحين الحاجة
صارت عنا العجينة جاهزة بناخد قطعة صفيرة وبنعمل فيها فتحة ونضع كمية من الحشو ونغلق العجينة جيدا
توضع بالقالب الخاص بالكرابيج او المعمول او ممكن نشكلها باليد بشكل مطاول
وتصف كل الكمية بصينة الفرن من دون اي دسم اضافي
نحمي الفرن على درجة حرارة 180 د قبل الخبز بشي 10 دقايق
توضع بالفرن وتخبز الى ان يزهر لونها
طريقة الناطف
بياض 3 بيضات
و قطر عبارة عن 3 كاسات سكر و كاسة مي و ملعقتين او 3 ماء زهر
و 1 ملعقة ماء ورد و رشة ملح الليمون
منخفق البياض بالخفاقة الكهربائية ليصيروا كريمة ثلجية متل الميرانج
القطر لازم يكون لسا دافي و منضيف للبياض شوي شوي مع التحريك المستمر لحتى تحسي انه صار قوام الناطف جيد
و الف صحة وعافية
