معروكة الوردة بالشوكالا
الطريقة
500 غ طحين
كاسة صغيرة زيت نباتي
كاسة صغيرة سكر
كاسة كبيرة حليب دافي
وماء دافي حسب الحاجة
1 ملعقة كبيرة خميرة الخبز الحبيبات ـ ملعقة صغيرة يانسون
نص ملعقة صغيرة محلب مطحون ـ حبة البركة ـ وبيضة لدهن الوش
الطريقة
نخلط كل المقادير الجافة مع بعض ومن ثم نضيف الحليب ونزيد ماء دافي
حسب ماتاخد العجينة لازم تكون طرية وماكتير ناشفة تعجن جيدا
ونغطيها ونتركها تتخمر شي ساعتين حتى يتضاعف حجمها بعدها تقسم العجينة الى اربع قطع متساوية
وترق بشكل قرص دائري نضع ورق زبدة بصينية الفرن ونضع اول قرص
وندهن طبقة من الشوكالا مع مراعاة ترك 2 سم من الاطراف بدون دهن
تغطى بقرص اخر وتكرر العملية ليخلصو الاربع قطع
نصع صحن صغير في الوسط وقسم العجينة الى 12 قسم حول الصحن
ثم نفتل كل جزء عكس التاني مرتين وتغلق من الامام كما واضح بالصورة
ندهن الوش بصفار بيضة مخلوط مع ملعقتين حليب
ونتركها تتخمر مرة تانية حوالي نص ساعة يحمى الفرن ع حرارة 180 د قبل دخول الصينية للفرن
بتاخد بالفرن حوالي 20 د الى ان يصبح لونها ذهبي والف صحة وعوافي
