خبز بفليفلة عالصاج

1 كيلو طحين

2  كاسة ماء دافي او ممكن تحتاج اكتر شوي حسب نوع الطحين

1 ملعقة كبيرة سكر

1 ملعقة صغيرة ملح

ملعقة  صغيرة خميرة فورية للمعجنات

2 ملعقة كبيرة زيت زيتون

نضع كل المقادير الجافة مع بعض وتخلط جيدا ثم نضيف  الماء والزيت وتعجن اما باليد او بالعجانة

وكل مازاد وقت العجن تصبح العجينة افضل  اذا كانت العجينة نوعا ما طرية وتلتزق باليد ممكن  اضافة رشة طحين

تغطى بالنايلون وقطعة قماش وتترك ترتاح شي ربع  ساعة  ونقطعها لكور صغيرة ونرش كمية طحين كافية لفرد العجين وترق جيدا

حتى تصبح رقيقة  قدر المستطاع

تحضير صلصة الفليفلة

4 ملاعق كبيرة من دبس الفليفلة

نص كاسة كبيرة زيت زيتون

1 بصلة متوسطة مفرومة ناعم جدا

2 ملعقة  دبس رمان

حبة سودا وممكن الاستغناء عنها

سمسم حسب مابتحبو

1 ملعقة صغيرة كمون وممكن استخدام قليل من اليانسون رح يعطيها طعم مميز

الطريقة نفرم البصل ونضع قليل من زيت الزيتون ونقلي البصل فيه حتى يزبل

نطفي النار ونضيف باقي المكونات وخلط جيدا

نرق العجين بسماكة رقيقة قدر المستطاع ويدهن سطح القرص بالخلطة ويخبز عالصاج او طواية تيفال

وممكن بالفرن  كم دقيقة حتى تستوي العجينة

وصحتين وعوافي

لتحضير دبس الفليفلة

فليفلة حمرا حارة تقطع نصفين وينزع منها البذر والعروق نوعا ما حتى لاتكون حارة جدا

بعدها تنشر عالسطح تحت اشعة الشمس ممكن وضع ورق جرائد تحتها ويكون الوجه الداخلي للفليفة باتجاه الاعلى

تترك يوم او يومين حسب حرارة الشمس وبعدها نطحنها بفرامة اللحمة دورين

يرش عليها قليل من الملح وصارت جاهزة  ممكن حفظها باكياس نايلون ووضعها بالثلاجة لحين الحاجة