محشي الملفوف – لخنة

راس ملفوف ( كرنب )

كيلو أرز قصير

نص كيلو لحمة مفرومة

2 ملعقة دبس بندورة

ملح ـ بهار ـ 2 ملعقة دبس رمان

للمرق نحتاج نص كاسة دبس رمان ـ عصير ليمون أوملح الليمون ـ 4 ملاعق كبار دبس بندورة

ملعقة كبيرة نعناع يابس ـ ملعقة توم مدقوق

يغسل الارز جيدا وينقع لمدة 10 دقائق ثم نضيف اليه اللحم ودبس الرمان والبهار والملح وملعقتين دبس بندورة

نجهز الملفوف نضع راس الملفوف بطنجرة ماء مغلي ونورقه حتى تنتهي كل الكمية

نقسم الورقة نصفين ونحاول تخفيف العض الذي بالمنتصف

تحشى متل ورق العنب وتكون ثخينة نوعا ما

في طنجرة الطبخ نضع قطع كبيرة من اللحم بعظمه او ممكن فقط عظام

نرص الملفوف فوقه وممكن نحشي معه فليفلة وباتنجان لو حبينا ننوع

يغطى بصحن ونضع فوقه حجرة المحشي ونضيف اليه كمية كافية لغمره بالماء

نضع دبس البندورة ودبس الرمان والملح وعصير الليمون والتوم والنعناع ونتركه عالنار عادية حتى يغلي

ثم نهدي النار ويترك حتى يتم نضجه

وصحتين وعوافي