صينية معكرونة بالبشاميل والجبنة

المقادير

ربع كيلو لحمة ناعمة

1 بصلة كبيرة او 2 متوسطة

نص ملعقة توم مدقوق

كيلو بندورة مقشرة

1 ملعقة دبس بندورة

جبنة مبشورة كودا او اي جبنة متل يلي للبيتزا

ملح بهار

البشاميل

2 كاسة حليب

2 ملعقة طحين

2 ملعقة سمن او زيت مازولا

يحمص الطحين بالسمن حتى يزهر نضيف الحليب مع التحريك المستمر

حتى ما يكبتل بس يغلي بنضيف شورية ملح

الطريقة

نسلق المعكرونة حتى تنضج وتصفى وتغسل بماء بارد

نجهز الصلصة بتقلية اللحم واضافة البصل والثوم ومن ثم البندورة المفرومة ناعما

ملح وبهار نضيف ملعقة الدبس بندورة ونترك الصلصة على النار حوالي 10 دقايق

بصينة الفرن نضع قليل من الزيت ثم نفرش طبقة معكرونة وبعدها طبقة من صلصة البندورة

بعدها نضيف نصف كمية البشاميل وبنحط طبقة اخرى من المعكرونة ومن ثم الصلصة والباشميل

نضع الجبن على الوجه وتدخل الفرن على حرارة 200  حتى تنضج وتحمر الجبنة

وصحتين وعافية