طريقة عمل القمر الدين

خمسة كيلو مشمش
كوب سكر
منقي الحبات الجيدة ومنغسلون ومنصفيون كتير منيح وننزع النواة ومنضيف السكر ومنحرك

ومنتركون كم ساعة حتى ينزل ماؤه منحطه على النار ونحرك بإستمرار حتى يغلي عدة غلوات
ننزع الرغوة الناتجة
إذا كان عندكن طاحونة يدوية بيكون أفضل بنطحنه فيا لانه بتخلي الشوائب وبتنزل العصير الكثيف

أو منضربون بالخلاط ومنرجع منصفيون بمصفاية فتحاتا وسط

نفضل ندعك حتى ينفصل التفل عن السوائل المتماسكة والكثيفة

مندهن صواني مناسبة بزيت النباتي ومنفرد عصير المشمش بشكل متساوي وبالسماكة اللي أنت بتحبي طبعاً

بتعرضيون للشمس وبتخلي الصواني مرتفعة عن الأرض حتى ماتتعرض للغبار

ولازم تستفقديها كل شوي حتى ماتغط عليها الحشرات

واذا لزق فيها أي شيء بتتخلصي منه بسكينة رأسها رفيع وهيك حتى ينشفو تماماً

وبعد ماينشفو بتمسحي الوش بقماشة مبللة بالماء عدة مرات وبتقصيون بسكينة شرائح طويلة

وبتشيليون عن الصينية بواسطة مغرفة وبحذر وبتمسحي على القفا حتى تتخلصي من آثار الزيت

حاولي تعرضيون للشمس مدة ساعة حتى ينشفو تماما خليون يبردو ً

اطوي الشرائح واحتفظي فيهن ضمن أكياس نظيفة وإلى البراد وصحة وهنا

قمر الدين، شراب سوري شهير بمذاقه اللذيذ. هو من أساسيات سفرة رمضان

المقادير

300 غرام قمر الدين.، تقريباً 3 شرائح

  1. 1 1/2 ليتر ماء، ساخن
  2. 3 ملعقة كبيرة سكر
  3. 3 ملعقة صغيره ماء الزهر

    1. يقطع القمر الدين إلى قطع صغيرة مع الإنتباه الى اختيار شرائح مستطيلة كبيرة.

    2.  توضع القطع في وعاء ويصب الماء الساخن ثم تترك لمدة ساعتين أو أكثر مع التحريك من حين إلى أخر حتى تذوب الشرائح .
    3.  يصفى قمر الدين بمصفاة ناعمة ويضاف السكر وماء الزهر