معروك التمر

العجينة:

1كغ طحين

1ونصف كاسة كبيرة حليب سائل دافئ

1/2 كاسة ماء دافئ

125 غ زبدة

1بيضة مخفوقة

1/2كاسة سكر

1ملعقة صغيرة ملح

1ملعقة كبيرة خميرة فورية(خميرة الخبز)

2 ملعقة كبيرة حليب بودرة

1/2 ملعقة صغيرة محلب مطحون

صفار بيضة مع ملعقتين كبار حليب لدهن الوجه

ملاحظة نوع الطحين عبيفرق مع بعض الناس استخدمو طحين الكاتو

واذا كان كتير عبلتزق بتقدرو تضيفو رشة طحين لوقت تتماسك وتصير طرية وخفيفة

الحشو

عجينة التمر مع قليل من الزبدة والقرفة

ندعكها جيدا وترق اقراص دائرية

الطريقة

نزيب الخميرة الفورية مع كمية الماء الدافئ الموجودة بالمقادير

تخلط كل المقادير الناشفة مع بعض ثم نضيف باقي المقادير  انا بخلطها على العجانة طبعا ممكن باليد

لازم تنعجن منيح  وممكن نحتاج كمية زيادة حسب نوع الطحين

نغطيها بالنايلون ونتركها تتخمر  حتى يتضاعف حجمها

نشكلها حسب الرغبة انا  عملت دائرتين وحشيت بالوسط التمر وسكرت الاطراف بعدها تقسم الدائرة الى 8 مثلثات

مع الاحتفاظ بجزء الوسط متصل

بعدها تقلب المثلثات على طرف بيطلع عنا هل الشكل الجميل

ندهنها بصفار البيض مخلوط مع ملعقتين حليب سائل  ويرش السمسم وحبة البركة على الوجه

ونتركها تتخمر مرة ثانية  شي نص ساعة قبل ادخالها الفرن الحامي على حرارة 180 د

اذا ما احمر الوجه ممكن نشعل عليها دقايق قليلة من فوق