فاصولية بيضا حب

المقادير

نص كيلو  فاصوليا بيضا حب

نص كيلو لحمة ناعمة او شقف راس العصفور

ملعقة صغيرة توم مدقوق

ملعقة كبيرة كزبرة ناشفة

دبس بندورة حسب ما تحتاج تقريبا 6 ملاعق

سمن  100 غ

الطريقة

ننقع الفاصوليا بالماء  قبل بوقت  ممكن ننقعها بالليل

نسلق الفاصوليا  بالماء  متل سلق المعكرونة  ثم نصفيها  ونتركها على طرف لحين الاستخدام

نقلي الكزبرة بالسمن ونضيف اليها التوم

نقلبها مع بعض حتى تزهر الكزبرة نضيف اليها اللحمة  ونقلب الى ان تنضج اللحمة

نضيف  اليها  دبس البندورة  وكمية كافية  من الماء  تقريبا 2 ليتر

بس يغلو مع بعض  بنضيف الفاصوليا المسلوقة  اليهم

ونتركهن على نار هادئة لمدة ربع ساعة  وهيك صارت جاهزة

نقدمها ساخنة  مع الارز الابيض وممكن ارز بالشعيرية

وصحة وعافية