الاكلير المحشي بالكريم باتيسري

المقادير

كاسة ماء

كاسة طحين

100 غ زبدة

ملعقة كبيرة سكر

درة ملح

4 بيضات
الحشوة :

كوب حليب – ملعقتين كسترد- ربع كوب سكر – فانيليا- برش ليمون

او كريم باتيسري كاسة حليب + 2 ملعقة كبيرة نشاء + بيضة + 4 ملاعق ك سكر

الطريقة

نضع الماء + السكر + الزبدة +درة الملح في قدر على النار  وعندما يبدء بالغليان

يرفع القدر عن النار ويضاف الطحين دفعة وحدة مع التحريك السريع والمستمر

بتصير عندنا متل عجينة  نتركها تبرد قليلا يعني تصير دافية بنضيف البيض بيضة بيضة

نضيف اول بيضة ونخلط جيدا حتى تندمج مع العجينة ونضيف الباقي بنفس الطريقة

نضعها بكيس الحلويات  ونشكلها بشكل اصابع على صينية اما ندهنها بالزبدة واما نستخدم ورق الزبدة

ندخلها الفرن بكون مشعلينه قبل البدء

على حرارة 200 اول عشر دقايق ونخفض الحرارة الى 180 بتاني عشر دقايق

اهم ملاحظة انه ما نفتح الفرن ابدا اثناء الخبز وبس انتهو العشرين دقيقة بنطفي الفرن

وبنخليهن داخل الفرن 5 دقايق تانين لحتى ما يهبطو

بعدها بنتركهن يبردو قبل الحشو يلي بكون مجهزينه مسبقا لحتى يبرد

نحشيهن بالكسترد ويوضع على السطح شوكالا سائحة او ممكن نرش سكر او جلاساج السكر