moussaka – مسقعة تركي

المقادير

3 حبة باتنجان

3 حبة كوسا

4 حبات بطاطا

لحمة مفرومة

بصلة  مفرومة ناعم

صلصة بندورة  او بندورة فريش مفرومة

جبنة مبشورة

صلصلة البشاميل

2 ملعقة كبيرة طحين  مع 2 ملعقة سمنة  وكاستين كبار حليب

نحمص الطحين مع ملعقتين سمنة  حتى يزهر لونه نضيف الحليب مع التحريك المستمر لحت نحصل على خليط متجانس

نضيف الملح وقليل من البهار يفضل الابيض

الطريقة

نقطع الباتنجان والكوسا والبطاطا شرائح دوائر او بالطول  نرش عليها قليل  ونتركها حتى نجهز الصلصة

بطواية نقلي اللحمة ونضيف اليها بصلة مفرومة وملح وبهار طبعا

عندما تنشف الماء نضيف صلصة البندورة او  البندورة الفريش المفرومة

ونتركها عالنار حتى تتعقد وتسمك

بطواية القلي نضع كمية من الزيت  ونقلي بها البطاطا ومن ثم الباتنجان ومن ثم الكوسا

بعدها  نضع بصحن البريكس الخاص بالفرن اول طبقة تكون من شرائح الباتنجان وطبقة الثانية الكوسا

نضع اللحمة مع الصلصة الحمراء بحيث تغطي كل الصحن

نضيف طبقة اخيرة من البطاطا تغطي كل السطح

تغطى بطبقة الباشميل ومن  ثم جبنة موزريلا مبشورة

نحمي الفرن قبل بوقت وتوضع بالفرن تقريبا نص ساعة حتى تحمر وبتصير جاهزة

وصحة وعوافي