كبة مبرومة
طريقة الكبة المبرومة
كيلو برغل ناعم
كيلو هبرة
بصلة متوسطة
ملح وكمون ورشة قرفة
الحشوة لحمة مفرومة فستق حلبي وهبرة
ملح وبهار
نطحن لبرغل مع البصلة والتوابل مرتين ثم ندخل الهبرة والمطحونة طبعا ونديرها مع البرغل اول مرة وممكن نحتاج دور كمان
منجهز الحشوة منقلي اللحمة ومنتبلها ومنزيد عليها الفستق المحمص ومنركها تبرد
نضع كبس نايلون منبلله بالمي وناخذ قطعة من عجينة الكبة بعد ان نعجنها جيدا بايدينا بيلزمها دعك
منمد العجينة على شكل مستطيل مو سميك ولا رقيق او حسب مابتحبي
منحط منوزع الحشوة على طول المستطيل ومنكون خلطنا مها الهبرة لتتماسك الحشوة
منقلب طرف الكيس مع العجينة ومنغلف الحشوة منيح ومنقطع العجينة الزيادة بالسكين
ومنشيلها ومنلف الرول منيح ومنسكره من الطرفين بواسطة النايلون
ومنمد ومنرص ومنشيله رول الكبة من النايلون ومنحطه بصينية الفرن المدهونة سمنة
منيح ومنكرر العملية منقطع الكبه بشكل تغليم براس السكين ومنرجع منحط عليها سمنة ومنشويها بفرن حامي
ومنراقبها مالازم تتحمر كتير ومنضل عمنسقيها من السمن اللي بالصينية لاتخافي السمن الزيادة
بالاخر منصفيه لانو الكبة بتاخد حاجتها مع انتهاء مده الاستواء وبس
مامنرفعها من الصينية لتبرد شوي
وكمان منقطعا بعد ماترتاح ومنقدم وصحتين وعوافي
